Федераци Совет дон Мары Эл Республика – регионын анзыкылашы виӓнгмӹ верц

Федераци Советӹн делегаци «О государственной поддержке социально-экономического развития Республики Марий Эл» Федераци Советӹн постановленим ӹлӹмӓшкӹ пыртымы гишӓн совещаним эртӓрен.

Совещаништӹ Константин Косачев, Андрей Шевченко, Мары Эл Республикӹн Госсобранин Председательӹн Икшӹ заместительжӹ Лариса Яковлева, тенгеок регионын властьын органвлӓн представительвлӓ участвуенӹт.

Юрий Зайцев совещаништӹ ылшывлӓм вӓшлимӹжӹ годым Федераци Советлӓн дӓ тӹдӹн Председательжӹ Валентина Матвиенколан таум регионлан палшымыштылан келесен.

«Планышкы пыртымы мероприятивлӓ дӓ национальный проектвлӓ, регионын социально-экономический виӓнгмӹ индивидуальный программа велдӹк экономикӹн цилӓ сферӹжӹм у кӱкшӹцӹшкӹ лӱктӓлшӓшлык ылыт, тӹнгжӹ, эдемвлӓн ӹлӹмӓшӹштӹм яжоэмденӓ», - регионын Глава манын.

Пӓлемдӹмӹ постановленим ӹлӹмӓшкӹ пыртымашты 15 мероприяти доно ядмашым решӹмӹ, тишкок Руэмӹштӹшӹ школат пыра, тенгеок Олимпийский резервӹн училище шотлалтеш.

К.Косачев постановлени семӹнь шукеш анзыкыла кемӓшӹм пӓлемден, тенгеок 100% нӓрӹ цилӓ ӹштен шокташ келеш манын.

Совещаништӹ кыды-тидӹ проектӹм ӹштен шоктымашты ядмашвлӓм раскыдемденӹт, шамак толшеш, Шереметевӹн Замокым уэмдӹмӓш, жилищно-коммунальной инфраструктурым уэмдӹмӓш, образовательный учреждени, спорт дӓ здравоохранени объектвлӓм стройымаш. Проблемывлӓм решӓш финансировани гишӓн, срок дӓ проектно-сметный документацим тӧрлӹмӹ гишӓнӓт шайыштыныт.

Андрей Шевченко иквӓреш цацымы доно пӓлемдӹмӹ цилӓ планым ӹштен шокташ ӹняненӓ манын.

Лариса Яковлева депутатвлӓн, республикӹн Павительствын дӓ Федераци Советӹн членвлӓн ик команда семӹнь пӓшӓлӹмӹм пӓлемден.

Мары Эл Республика Главан Администрацин пресс-службын отдел. «Жерӓ» №47 (10975), 28 ноябрь 2025 ин.