Республикӹштӹ правопорядок лимӹ верц

Регионын Глава Юрий Зайцев Координационный совещаним правопорядокым тӹшлӹмӹ гишӓн эртӓрен. Мероприятиштӹ республикӹн Госсобранин Председатель Михаил Васютин, тӹнг федеральный инспектор Сергей Беляков, властьын федеральный дӓ региональный органвлӓн вуйлатышывлӓ участвуенӹт.

Совещаним тӱ сӓндӓлӹквлӓн студентвлӓм нимахань террористический, экстремистский дӓ молы противоправный партьышкы регионышты пырташ ӹнжӹ ли манын эртӓрӹмӹ.

Юрий Зайцев РФ Президентӹн 15 октябрьын 2025 ин лыкмы Указшым 2026– 2030 ивлӓэш миграционный политика гишӓн концепцим ӓшӹндӓрен пуэн, кышты мигрантвлӓм пыртымы, мам ӹштӹмӹштӹм тӹшлӹмӹ дӓ мӓмнӓн обществышты ӹлен мыштымышты гишӓн ылеш.

«Миграционный политикӹн тӹнг цельхӹ – экономикӹлӓн керӓл нӓрӹ мигрант веле лишӓшлык, тидӹн годым национальный безопасностьым дӓ социальный тыр ӹлӹмӓшӹм ӹштӹмӹ лишӓшлык. Но российский вузвлӓштӹ тӱ сӓндӓлӹквлӓн студентвлӓ шукеммы верц лимӹлӓ», – регионын Глава манын.

Национальный дӓ федеральный проектвлӓм ӹлӹмӓшкӹ пыртымы годым нимахань правонарушени лишӓшлык агыл, вет нӹнӹ республикӹн социально-экономический виӓнгмӓштӹжӹ пиш керӓл палшык ылыт манын, Юрий Зайцев пӓлемден.

«Нацпроектвлӓ семӹнь Мары Элӹштӹ ӹлӹшӹвлӓ тетя у садвлӓм, поликлиникӹм, школвлӓм, яжо корным, уэмдӹмӹ общественный вӓрвлӓм получаят. Каждый рубль шот доно кычылтмы лишӓшлык, кого ответственностьым анжыктымыла, а проектвлӓ яжон дӓ пӓлемдӹмӹ жепӹн ӹштен пӹтӓрӹмӹ лишӓшлык ылыт», – регионын Глава манын.

Юрий Зайцев контрактвлӓм тӹнгӓлтӹш гӹц пӹтӓртӹш якте ӹлӹмӓшкӹ пыртымым тӹшлен мишӹ правоохранительный органвлӓн сотрудниквлӓлӓн таум келесен.

Мары Эл Республика Главан Администрацин пресс-службын отдел. «Жерӓ» №49 (10977), 12 декабрь 2025 ин.