Сенатор Константин Косачев – 2025 ин Мары Элӹштӹшӹ пӓшӓжӹ гишӓн

Мары Эл Правительствын заседаништӹ регионын Глава Юрий Зайцев Федераци Советӹштӹ республикӹн исполнительный властьын представительжӹ Константин Косачевын пӓшӓжӹм кӱкшӹн ӓклен.

РФ-ын Федеральный Собранин Федераци Совет Председательӹн палшышыжы Константин Косачевын участвуйымы доно Мары Элӹштӹ Федераци Советӹн кок постановлени ӹлӹмӓшкӹ пыра: Мары Элӹн социально-экономический виӓнгмӓшӹн индивидуальный программа дӓ 2025- 2030 ивлӓ яктешӹ виӓнгмӓш. Отчетыштыжы айыртемӹн ти документвлӓштӹ пӓлемдӹмӹ проектвлӓм ӹлӹмӓшкӹ пыртымы гишӓн шайыштын.

Константин Косачев регионын исполнительный власть доно икышын пӓшӓлӹмӹлӓн кӱкшӹ ӓкӹм пуэн.

«Мӹньӹн пӓшӓштем сек керӓлжӹ – республикӹн Главан шӱдӹмӹ семӹнь Мары Эл верц цацымаш», – сенатор манын.

Константин Косачев докладыштыжы анзыкылашы планвлӓм пӓлемден: Детский республиканский клинический больницӹм стройымаш, аэропортышты пӓшӓм пӹтӓрӹмӓш, Республиканский онкологический диспансерӹн поликлиникӹм стройымаш, Яранск-Котельничи кӹртнигорным пакыла нӓнгемӓш, «Город трудовой доблести» статусым Йошкар-Олалан пумаш, Мары Элӹн туристический потенциалжым лӱктӹмӓш.

Констанин Косачев 2025 ин техень патриотический мероприятивлӓштӹ участвуен: «Автопробег Победы», «Весна Победы» сӓмӹрӹквлӓн шоу, «История Отечества на оперной и балетной сцене» фестиваль дӓ молыштат.

Законотворческий пӓшӓ семӹнь Константин Косачев молы автор сага федеральный законвлӓм ӹштӹмӓштӹ участвуен.

Мары Эл Республика Главан Администрацин пресс-службын отдел. «Жерӓ» №18 (10997), 30 апрель 2026 ин.