Юрий Зайцев: «Икышын ылмаш эдемвлӓн ядышвлӓм карангдышашлык»

Кырык мары район дон Козьмодемьянск халашты пӓшӓ доно ылмы жепшӹм республикӹн Глава депутатвлӓ дӓ «Единая Россия» партин местный отделенин актив доно вӓшлимӓш доно кашартен. Нӹнӹ доно шаяжы инфраструктурный проектвлӓм ӹлӹмӓшкӹ пыртымаш, Халык программышкы шанымашвлӓм погымаш, тенгеок партийный проектвлӓм решӹмӓш гишӓн ылын.

Регионын Глава «Единая Россия» командын депутатвлӓн цымырын пӓшӓлӹмӹштӹ тӹнг вӓрӹштӹ ылеш манын.

«Ти мӱлӓндӹштӹ, Кырык сирӹштӹ, Единый Российӹн лачокок цымыр команда ылмылан мӹнь сусу ылам. Депутатвлӓ ик механизм семӹнь пӓшӓлӓт. Тидӹ пишок шергӓкӓн ылеш. Лач тенге икышын ылмаш кӹрӓток кайшы проблемывлӓм решӓш палша, районыштышы ӹлӹмӓшӹм яжом дӓ лӱдӹшдӹмӹм ӹштӓ», – Юрий Зайцев манын.

Козьмодемьянск дон Кырык мары районышты айыртемӹн яжон инфраструктурный проектвлӓ социальный сферӹштӹ ӹлӹмӓшкӹ пырен миӓт, тидӹ Госдумышкы айырымаш лимӹ анзыц паснаок керӓл ылеш манын.

Юрий Зайцев Халык программышкы шанымашвлӓм погымы пӓшӓ шот доно кемӹм пӓлемден.

«Тӓ ӹшке мӱлӓндӹштӹдӓ ӹледӓ, эдемвлӓлӓн ма керӓлӹм яжон пӓледӓ. Нӹнӹн келесӹмӹ шанымашвлӓштӹ анзыкылашы ивлӓэш пӓшӓм ӹштӓш негӹц лит», – Юрий Зайцев манын.

Мары Эл Республика Главан Администрацин пресс-службын отдел. «Жерӓ» №22 (11002), 5 июнь 2026 ин.