Цифровизаци – образоваништӹ

Мары Элӹштӹ 100% школым кого скоростян дӓ яжон перегӹшӹ системан интернетӹшкӹ ушымы.

Республикӹн Правительствын заседаништӹ образоваништӹ цифровизаци дӓ тымдышы дон тыменьшӹвлӓлӓн электронный сервисвлӓм виӓнгдӹмӹ гишӓн ланзылымы.

Республикӹштӹ «Кванториум» тетя 6 технопаркым, «ITкуб» 4 центрӹм, «Беспилотные авиационные системы» 17 кружкым пачмы. 254 образовательный учреждеништӹ материально-технический базым уэмдӹмӹ.

Образоваништӹ цифровизаци гишӓн Мары Элӹн Главалан регионын образовани дӓ наукын министр Лариса Ревуцкая увертӓрен. Кӹзӹт республика церот шомы семӹнь вес этапышкы ванжа – единый, полноценный экосистемым ӹштӹмӓшкӹ, кышты учебный цифровой платформывлӓ, сервисвлӓ дӓ контентвлӓ цилӓ докы шот: педагоглан, тыменьшӹлӓн, ӓтя-ӓвӓвлӓлӓн.

РФ-н просвещени Министерство «Образование» единый доменӹм ӹштен, кыды «Моя школа» дӓ МАХ национальный мессенджер доно кӹлдӓлтеш.

Регион «Моя школа» системын витринӹм ситӓрӹмӹ качество доно «зеленый» зонышты ылеш. Тыменьшӹвлӓн пӓлӹмӓшӹштӹ маханьы ылмы «Госуслуги. Моя школа» федеральный мобильный сервисӹштӹ каеш, тӹнӓмок МАХ мессенджерӹштӹ тӹшлӓш лиэш. Кым тӹлзӹ лошты тыменьшӹ дон ӓтяӓвӓвлӓштӹн приложеним кычылтмаш 21,5% якте кушкын.

18% утла педагог дӓ тыменьшӹ «Универсальная библиотека цифрового образовательного контента» сервисӹм кычылтыт. Мары Эл МАХ мессенджерӹштӹ школьный каналвлӓм кычылтмы доно 1-шӹ вӓрӹм РФ-н субъектвлӓ лошты нӓлӹн дӓ 1 мартеш подписчиквлӓн шот 100% лин.

Мары Элӹн Глава Юрий Зайцев школвлӓн материальный базым уэмден миӓш дӓ каждый тетян икань йӧнжӹ технологивлӓм кычылташ лижӹ манын. Регионышты тыменьшӹ дон ӓтя-ӓвӓвлӓштӹм шӹрен дӓ шӹрен современный цифровой сервисвлӓм кычылтмашкы ушаш тӹнгӓлӹт.

Мары Эл Республика Главан Администрацин пресс-службын отдел. «Жерӓ» №15 (10994), 10 апрель 2026 ин.