Солаштышы ФАПвлӓштӹ врачвлӓн ситӓлык 13,3% кушкын

Мары Эл Республика Правительствын заседаништӹ кадрвлӓ гишӓн тема тӹнг вӓрӹштӹ ылын.

«Врач дон медицинӹн пӓшӓзӹвлӓлӓн социальный палшыкым пушашлык ылына, тенге медицинский вузвлӓн выпускниквлӓн ӹшке республикешнӓ пӓшӓэш кодаш кымылышты лиэш», – регион вуйлатышы манын.

Регионын программа семӹнь техень йиш палшымашвлӓ улы: 2024 -2025 ивлӓн 14 врач кым миллион рӓдӹ ӹлӹмӹ вӓрӹм яжоэмдӹмӹ семӹнь получаен, 2026 ин техень палшык 10 врачлан лишӓшлык; «Земский доктор» дӓ «Земский фельдшер» программывлӓ семӹнь 2025 ин 19 врач дӓ 5 кӹдӓлӓш медицина пӓшӓзӹ доно договорым пингӹдемдӹмӹ ылын, 20 сотрудниклӓн служебный ӹлӹмӹ вӓрӹм дӓ общежитим пумы, 25 специалистлӓн ӹлӹмӹ вӓр тӓреш тӱлӓш пумы, 1110 пӓшӓзӹлӓн – жилищно-коммунальный тӓреш.

1 январь 2026 иэш республикӹн Минздравын ведомствын медицинский организацивлӓштӹ 12 589 эдем пӓшӓлӓ, нӹнӹ логӹц 2 138 – врачвлӓ (17%). Тенге гӹнят, кадрвлӓ гишӓн ядмаш пӹсӹ ылеш.

Кадрвлӓн акситӹм карангдаш икманяр йӧнӹм ӹштӹмӹ: профориентационный пӓшӓ, целевой тымдымаш, стажан врачвлӓм пӓшӓшкӹ пыртымаш, вес регионвлӓ гӹц ӱжмӓш, наставниквлӓм кычылтмаш, кыдывлӓлӓн тӱлӹмӓш лишӓшлык.

«Медицинские кадры» федеральный проект семӹнь 2026 ин Йошкар-Олинский медицинский колледж негӹцеш региональный кадровый центрӹм пачаш шанымаш улы, кыды здравоохранени сферӹштӹ персонал доно виктӓрӹмӓшӹм организуяш тӹнгӓлеш. Техень центрӹм сентябрьын пачмы лишӓшлык.

Мары Эл Республика Главан Администрацин пресс-службын отдел. «Жерӓ» №15 (10994), 10 апрель 2026 ин.