Мары Элӹн культурышты «Движения Первых» 100 первичный отделеним пачмы

«Движение Первых» – тидӹ техень йӧн, кыды активный, шанен мыштышы дӓ шамаклан хоза лишӓшлык сӓмӹрӹквлӓм тымда.

«306 первичный отделени лошкы эче 100 у ушнен, кыдывлӓ республикӹн музейвлӓштӹ, библиотекӹвлӓштӹ, театр дон искусство школвлӓштӹ пачылтыныт. Президент Владимир Путин манын: «Анзыкыла веле кеӓш дӓ анжаш. Россий – анзыкылашышкы кешӹ сӓндӓлӹк, коготьотявлӓн негӹцӹм шотышкы нӓлшӹ». «Движение Первых» техень йыхым тымден кушта, кӱн семня дон сӓндӓлӹкӹн честьшӹ – иктӹ ылеш», - республикӹн Глава торжественный мероприятиштӹ манын.

Пӹтӓришӹ отделеним Мары Элӹштӹ январьын 2023 ин пачмы, кӹзӹт тӹштӹ 63 тӹжем эдем. Нӹнӹ патриотический, творческий, экологический дӓ волонтервлӓн проектвлӓштӹ пӹсӹвлӓ ылыт.

Движения Первых» правлени председательӹн палшышы Валерий Моргуновский Юрий Зайцевлӓн Тау шамакан сирмӓшӹм регионышты ти движеним виӓнгдӓш палшымы гишӓн кычыктен.

«Движение Первых» – Российӹштӹ кого сообщество (53 тӹжем утла отделени 89 регионышты). Движенин проектвлӓжӹ «Мы вместе (воспитание гармонично развитой личности)» дӓ «Россия - страна возможностей» федеральный проектвлӓн «Молодёжь и дети» национальный проект семӹнь 12 направлени доно ӹлӹмӓшкӹ пырталтыт.

Мары Эл Республика Главан Администрацин пресс-службын отдел. «Жерӓ» №20 (10999), 15 май 2026 ин.