Республикӹн Главалан – Тау шамак

Мары Элӹн Глава дӓ Россий Федерацин оборона министрӹн палшышыжы специальный военный операцин участник дон ветеранвлӓлӓн палшымы йӧнвлӓ гишӓн хытыренӹт.

Вӓшлимӓш годым «Защитники Отечества» фондын председатель Анна Цивилевалан Юрий Зайцев Мары Элӹштӹ СВО тӹнгӓлӓлтмӹ годшен палшымы йӧнвлӓм пыртымы дӓ нӹнӹ со шукем миэнӹт манын.

«Тидӹ республика Правительствын сек пӹтӓришӹ задачыжы», - Юрий Зайцев келесен.

Мары Эл Республикӹштӹ СВО-н участник дон семнявлӓштӹлӓн 124 йиш социальный палшык улы, ти шотышты 56 федеральный, 53 региональный дӓ 15 муниципальный. Цилӓ тидӹм «Навигатор мер поддержки участников СВО и их семей» электронный сервисӹштӹ моаш лиэш.

«Защитники Отечества» филиал доно иквӓреш передовойышкы гуманитарный палшыкым нӓнгеӓт, кыдывлӓм предприятин, организацин, образовательный учрежденин, политический партин эдемвлӓ, волонтервлӓ дӓ молы пуры эдемвлӓ цилӓ районвлӓ гӹц погат. Цилӓжӹ 65 гӓнӓ техень палшыкым колтымы.

Айыртемӹн пӓшӓ СВО гӹц толшывлӓ доно эртӓрӓлтеш. «Перспектива» социальный адаптаци центр улы, кышты ядмашвлӓэш ынгылдарымашым дӓ психологический палшыкым пуат. 503 эдемлӓн пӓшӓм пумы. «Герои Марий Эл. Талешке-влак» программа 2025 ин февральын тӹнгӓлӓлтӹн, «Ратник» следж-хоккей командым погымы, ветеранвлӓ республикӹн культура ӹлӹмӓшкӹ ушненӹт.

РФ оборона министрӹн заместитель Юрий Зайцевлӓн Государственный фондын пӓшӓштӹ активно участвуйымыжы гишӓн Тау шамакым увертӓрен.

Мары Эл Республика Главан Администрацин пресс-службын отдел. «Жерӓ» №20 (10999), 15 май 2026 ин.