Юрий Зайцев – «Единая Россия» партин форумышты

Нижний Новгородышты Приволжский федеральный округын «Единая Россия» партин «ЕСТЬ РЕЗУЛЬТАТ!» отчетно-программный форумжы эртӓрӓлтӹн. Мероприятин тӹнг темыжы – сӓмӹрӹк йыхым виӓнгден куштымаш дӓ нӹнӹлӓн палшымаш.

Форумын пӓшӓштӹжӹ Мары Эл Республикӹн Глава, «ЕДИНАЯ РОССИЯ» партин Марийский региональный отделенин Секретарь Юрий Зайцев участвуен.

Йыл тӹр федеральный округын цилӓ регионын представитель тӹштӹ ылын: депутатский корпус, общественниквлӓ, эксперт дон властьын органвлӓн представительвлӓ.

«Единая Россия» партин Народный программын эртӹшӹ пӓшӓжӹм ланзылымы, анзыкыла вӹц иэш программылан предложенивлӓм келесӹмӹ. Пленарный заседанин спикервлӓжӹ партин Генеральный советӹн Секретарь Владимир Якушев, Российӹн Правительство Председательӹн Заместитель Дмитрий Чернышенко, РФ Президентӹн ПФО-шты полномочный представитель Игорь Комаров ылыныт.

Владимир Якушев партилӓн сӓмӹрӹк йых верц шытырланымаш патриотвлӓ семӹнь куштымашты сек тӹнг вӓрӹштӹ ылеш манын.

Дмитрий Чернышенко «Молодёжь и дети» национальный проект «Единая Россия» партин тӹнгӓлтӹш доно шачын, а негӹцшӹм гражданвлӓ ӹштенӹт манын.

Игорь Комаров «Единая Россия» партин Народный программыжы национальный проектвлӓм ӹлӹмӓшкӹ пырташ палшен манын.

Мары Эллӓн ти направлени сек тӹнг вӓрӹштӹ ылеш. Ти ивлӓ лошты республикӹштӹ 36 школым, 2026 ин эче 16 школым уэмден тӧрлӹмӹлӓ. Кӹдӓлӓш профессиональный образовани система виӓнгеш, «Профессионалитетӹн» нӹл кластер пачылтын, кышты кок тӹжем утла студент сек керӓл профессивлӓэш тыменеш.

«Регион для молодых» программа негӹцеш 317 миллион тӓнгӓм сӓмӹрӹквлӓ доно эртӓрӹмӹ мероприяти дон площадкывлӓлӓн кычылташ йӧн лин. Форумын тӹнг событиэш партийный билетвлӓм торжественно пумаш шотлалтын, спискӹштӹ Роман Вознякат ылын.

Мары Эл Республика Главан Администрацин пресс-службын отдел. «Жерӓ» №14 (10993), 3апрель 2026 ин.