Эдем шотым перегӹмӓш, шулык дӓ цӓшӓн ӹлӹмӓш верц

«Комплексное развитие сельских территорий» программа семӹнь Мары Элӹштӹ благоустройство доно 200 утла проектӹм ӹлӹмӓшкӹ пыртымы.

Мероприяти государственный демографический политикӹм солавлӓштӹ ӹлӹмӓшкӹ пыртымы гишӓн ылын. Заседаништӹ профильный министерство дон ведомствын вуйлатышывлӓ, регионын глававлӓ дӓ федеральный инспекторвлӓ участвуенӹт.

РФ Президентӹн ПФОшты полномочный представитель Игорь Комаров пӓлемден: Российӹм 2036 ивлӓ якте виӓнгдӹмӓштӹ сек пӹтӓришӹ национальный целеш эдем шотым перегӹмӓш, шулыкым цаткыдемдӹмӓш, яжо ӹлӹмӓшӹм ӹштӹмӓш дӓ семнявлӓлӓн палшымаш шотлалтеш.

«Приволжский федеральный округ – сола халык доно Российӹштӹ анзылны ылеш. 8 миллион нӓрӹ эдем солашты ӹлӓ – тидӹ сӓндӓлӹкӹн 21,5 %. Сола хозяйство экономикӹштӹ 5,6% ылеш. Кӱ дӓ кыце солашты ӹлӓш тӹнгӓлеш, техеньӹ сӓндӓлӹкӹн анзыкыла кемӓшӹжӹ лиэш, суверенитетшӹм цаткыдемдӹмӓш дӓ продовольственный безопасностьшы лиэш», - Игорь Комаров манын.

Мары Элӹштӹ солашты улы эдем шот гӹц 30% ӹлӓ, а цилӓжӹ 205 тӹжем ӹлӓ, седӹндон демогрфи ядмаш тӹнг вӓрӹштӹ шалга. Юрий Зайцев ти тема доно пӓшӓ цилӓ монгыр гӹц ӹштӓлтеш манын: жеплӓн ярал инфраструктурым ӹштӹмӹ гӹц тӹнгӓлӹн, каждый семнялӓн палшымы якте.

2020 и годшен «Комплексное развитие сельских территорий» программа семӹнь 3,3 тӹжем квадратный метр ӹлӹмӹ вӓрӹм ӹштен шоктымы, 29 км корным тӧрлӹмӹ, 229 проектӹм благоустройство доно ӹлӹмӓшкӹ пыртымы.

Юрий Зайцевӹн пӓлемдӹмӹ доно, 2025 и гӹц «Семья» нацпроект велдӹк шукы тетяӓн семнялӓн ипотекӹм тӱлӓш окса 1 миллион якте шукемдӹмӹ.

Мары Эл Республика Главан Администрацин пресс-службын отдел. «Жерӓ» №14 (10993), 3 апрель 2026 ин.