Юрий Зайцев «Гардиан» компанин пӓшӓжӹм ӓклен

Мары Элӹн Глава регионын ик кого «Гардиан» компанин пӓшӓжӹм анжен лӓктӹн, кыды кӹртни амасавлӓм, сыравач дон молы керӓл хӓдӹрвлӓм ӹштӓ.

Юрий Зайцев предприятим виӓнгдӓш кого инвестиционный проектвлӓм кычылтмы гишӓн пӓлемден.

«Компани импортозамещени доно молылан пример дӓ экономикӹн ӹнянжӹ ылеш. Тӹдӹн кымдыкшы 50 тӹжем квадратный метр. Тиштӹ пиш керӓл амасавлӓм ӹштӓт», - регионын Глава манын.

Тенгеок Юрий Зайцев «Тиара» ООО-м анжал лӓктӹн, кышты 60 утла йиш сыравачым ӹштӓт, кыдывлӓ шукы патент доно ӹшӹклӹмӹ ылыт, наградывлӓмӓт нӓлӹнӹт. И йӹде кым миллион утла сыравачым лыктыт, кыдывлӓм российский пазарышкы дӓ тў сӓндӓлӹквлӓшкӹ выжалат: Казахстан, Грузи, Армени, Молдова, Беларусь, Серби дӓ молат.

2025 ин «Тиара» компани республикӹн бюджет гӹц 20 миллионаш субсидим получаен.

«Гардиан» - социально-ответственный компани. 2022 ин ӹшке кымыл доно 2 миллион тӓнгӓм СВО-шты ылшы военнослужащийвлӓлӓн гуманитарный палшык семӹнь пуэн.

«Народный фронт. Все для победы» Благотворительный фондлан 2024 ин тенгеок колтен, а 2025 ин – тоннак-пелӓк кӹртним дӓ 15 кубометр древесноволокнистый плитӓвлӓм блиндажвлӓм цаткыдемдӓш.

«Гардиан» современный производственный комплекс налогым тўлӹшӹ ик кого предприяти ылеш. Тене кӓндӓкш тӹлзӹ лошты 453 млн тӓнгӓм пиштен. Компанин цилӓ предприятиштӹжӹ 900 нӓрӹ эдем пӓшӓлӓ.

Мары Эл Республика Главан Администрацин пресс-службын отдел.. «Жерӓ» №42 (10970), 24 октябрь 2025 ин.