Юрий Зайцев – Куженерский районышты

Пӓшӓ доно ылмы годым тӹштӹ ик кӹдӓлӓш школым уэмден тӧрлӹмӹм анжал лӓктӹн. Тӹдӹн сага «Герои Марий Эл. Талешке-влак» программышты участвуйышы Павел Попов каштын, кыдын наставникшӹ регионын Глава ылеш.

Регионын Глава толшаш ин республикӹн 16 тыменьмы здани тӧрлӹмӹ лиэш манын, тӹ шотышты коктым 2027 ин уэмден пӹтӓрӹмӹ лишӓшлык.

Тенгеок регионын Глава ти районышты «Искра»-м, производственный кооператив - сельскохозяйственный артель (колхоз)-ым, анжал лӓктӹн, кышты инвестиционный проектӹм ӹлӹмӓшкӹ пыртымаш пӹсӹн ӹштӓлтеш, 2026 ин вольык урдымы у комплексӹм пачмы лиэш.

«Нелӹлык улы гӹнят, сола пӓшӓзӹвлӓ импортозамещени программым ӹштен миӓт, а оборудованим Беларусь Республика гӹц нӓлмӹ», - регионын Глава пӓлемден.

«Искра» колхозышты кок ферма, каждыйыштыжы 144 ышкаллан шалгаш вӓр, доильно-молочный блок лиэш. У блокышты «Европараллель 2х12» йиш шыпшылмы аппарат, кӹто доно виктӓрӹмӹ система 400 ышкаллан вӓрӓнгдӹмӹ лиэш.

«Искра» колхозышты кок ферма, каждыйыштыжы 144 ышкаллан шалгаш вӓр, доильно-молочный блок лиэш. У блокышты «Европараллель 2х12» йиш шыпшылмы аппарат, кӹто доно виктӓрӹмӹ система 400 ышкаллан вӓрӓнгдӹмӹ лиэш.

Проектӹшкӹ 100 млн тӓнгӓм пиштӹмӹ, 80 млн – кўслӹмӹ.

Предприятиштӹ 80 эдем шотлалтеш, а вольык вуй шот 1252, 400 ышкал шалга. Шӹшер 3,1 тӹжем тонн, тидӹ имешшӹ гӹц 10 % шукырак

Районышты ылмыжы годым тенгеок уэмдӹмӹ паркым дӓ 1941-1945 ивлӓн Кого Отечественный вырсышты колышывлӓ лӹмеш обелискӹм анжал лӓктӹн. Сагажы СВО-н участник Павел Попов каштын, пеледӹшвлӓм пиштенӹт.

Паркым тӧрлӓш сола кымдемӹштӹ ӹлӹшӹвлӓ ядыныт.

Мары Эл Республика Главан Администрацин пресс-службын отдел. «Жерӓ» №42 (10970), 24 октябрь 2025 ин.